Komisioni i Ankimimeve dhe Sanksioneve (KAS) shqyrtoi sot kërkesën e Komisionerit Shtetëror të Zgjedhjeve me objekt “Kërkesë për vendosje sanksioni administrativ, në zbatim të vendimit nr. 209, datë 11.12.2024 “Për miratimin e raportit mbi gjetjet pas vlerësimit të regjistrimeve filmike gjatë implementimit të votimit elektronik në bashkitë Kamëz, Vorë dhe Elbasan, për zgjedhjet për organet e qeverisjes vendore të datës 14 maj 2023”.
Në përfundim të shqyrtimit, KAS pranoi pjesërisht kërkesën e Komisionerit Shtetëror të Zgjedhjeve dhe vendosi të rrisë sanksionin administrativ gjobë, nga 3000 në masën 5000 lekë për 17 operatorët e Pajisjeve Elektronike të Votimit dhe Numërimit.
Në raport ishin të përfshira të detajuara nga vëzhgimet e kamerave në qendrat e votimit, shkeljet e dokumentuara të operatorëve për çdo QV të veçantë. Në përfundim raporti jepte edhe rekomandime për përmirësimin e procesit.
