Liverpool arriti të marrë një fitore të madhe përballë Manchester United. Padyshim meritën më të madhe në këtë fitore që e kthen ekipin në vendin e parë në klasifikim e kishte Xherdan Shaqiri. Gjakovari shënoi dy gola edhe pse u aktivizua në minutën e 70’ të takimit.
Pas ndeshjes Klopp u shpreh se kjo fitore e kishte çuar në hënë, ai ishte mjaft i kënaqur me atë që pa në fushë dhe vecanërisht me Shaqirin.
“Më duket vetja sikur jam në hënë pas asaj performace që bëmë në fushë dhe golave të Shaqirit që na dhanë fitoren. Mënyra se si luajtën djemtë sonte ishte e jashtëzakonshme”, tha Klopp.
“Momenti për të hedhur në fushë Shaqirin ishte i duhuri, ne kishim nevojë për dikë që të shënonte golin dhe ai e bëri mjaft mirë këtë detyrë. Por mënyra si luftuan djemtë sot ishte fantastike. Ishte një luftë e madhe, pasi po luanim futboll përballë një ekipi të madh dhe të fortë si Manchester United”, shtoi ai.
