Largimi i Coutinhos drejt Barcelonës, mbushi edhe arkat e Liverpool, i cili tashmë është hedhur në sulm për të gjetur zëvendësuesin. Kërkesa e Jurgen Klopp është e qartë, atij i duhet një mesfushor me tipare sulmuese për të zëvendësuar yllin brazilian, i cili u transferua te Barcelona këtë fundjavë.
I përzgjedhur i Klopp është Julian Draxler i cili mund të luajë dhe si mesfushor i avancuar, por edhe si sulmues krahu. Gjermani po gjen shumë pak hapësira te Paris Saint Germain dhe për të mos humbur grumbullimin në Botëror kërkon të ndryshojë skuadër.
Liverpooli do të ishte një opsion i mirë për Draxlerin, i cili do të ketë minuta të mjaftueshëm në fushë. Por kjo nuk është alternative e vetme që po studiohet nga “The Reds”, pasi janë duke menduar transferimin e Thomas Lemar nga Monaco.
