Tirana u mposht në derbi përballë Partizanit me rezultatin e ngushtë 1-0 në “Selman Stërmasi”. Trajneri i bardhebluve në fund të ndeshjes ka folur për mikrofonat e “Supersport” ku analizoi humbjen e skuadrës së tij. Ai u ka kërkuar falje tifozëve për këtë humbje dhe është shprehur se Tirana nuk meritoi të fitonte në këtë sfidë, por as të humbiste.
Pse humbi Tirana sot?
Humbi sepse, kundërshtari shënoi në të vetmin rast qe krijoi. Ne kishim një rast përpara pësimit të golit. Kështu është futbolli. Ligji i pashkruar. Po nuk shënove do të ndëshkohesh.
Ecuria negative e Tiranës, a rrezikon trajneri?
Mund të them që edhe para 2 sezonesh, skuadra ka bërë një start negativ. Nuk di ç’të them për të ardhmen, do të shohim.
Pse nuk arriti të finalizonte Tirana?
Nuk luajtëm mirë. Nuk e meritonim të fitonim. Por nga mënyra si shkoi loja, nuk e meritonim ndoshta edhe që të humbisnim.
A i keni lojtarët e duhur për të bërë lojën që kërkoni?
Për sa i përket ndeshjes, kishim vetëm 1 pikëpyetje, Oduamadin. Ndoshta unë mund të kem parë ndonjë ndeshje. Nuk pash ndonjë pritje nga Lika. Tashmë është gjithçka e mbyllur. Deri në janar do të vazhdojmë me këta futbollist. Nuk kam çfarë them, do të vazhdojmë punën.
Një skuadër që nuk funksionon sipas filozofisë suaj. Ju thatë do mendoheni pas kësaj humbje. Do shikoni pozicionin tuaj, apo do mendoheni për të ndryshuar diçka?
Nuk e kuptoj përse gjithmonë kjo pyetje në Shqipëri. Një humbje dhe gjithmonë pyetja nëse do ta rishikoj pozicionin tim. Nëse ekipi fiton, është mirë, nëse humbet, duhet menduar për të ndryshuar diçka. Gjërat që kam diskutuar janë në lidhje me gabimet dhe përse nuk shënuam.
A është mjaftueshëm për Tiranën vetëm rasti i Hasanit në pjesën e parë?
Nuk është mjaftueshëm. Nuk na shkon kjo situatë. Mbas asaj mundësi ishte një ndeshje normale.
E di Ze Maria çfarë do të thotë kjo ndeshje për tifozët e Tiranës?
Po e di, po pas ndeshjes nuk mund të ndryshosh asgjë. Jemi stërvitur mirë këto ditë. Më vjen vërtet keq për këtë humbje. I pashë tifozët, bisedova dhe me lojtarët para ndeshjes, për atmosferën e krijuar. Në stërvitjet e ardhshme duhet të përmirësohemi dhe të vazhdojmë punën.
“Ishte derbi mes dy klubeve historike të qytetit dhe është normal interesimi i publikut. Gjej rastin të shpreh ngushëllimet për tifozin e vogël të ndjerë të Partizanit. E kishim përgatitur lojën. Jemi munduar të mbajmë skuadrën në ritëm. Rasti i parë që kishim e finalizuam. Ndonjëherë këto ndeshje vendosen nga vetëm një rast.
Deri në momentin që shënuam ishim disi nën presion dhe më pas funksionuam. Pas golit u tërhoqëm pak. E vetmja dilemë ishte në ato momente kur edhe Tirana mund të përfitonte. Të jem i sinqertë, nuk mund të marr mbi vetë përgjegjësinë që të them se jemi pretendentët e vetëm për titull. Ky fillim sezoni ka dëshmuar se janë shumë skuadra pretendente. Unë mundohem të mbaj ekipin me këmbë në tokë. Skuadra po përgjigjet faktikisht.
Nuk është sekret që Partizani ka pretendimet dhe kualitetet për të marrë maksimumin. Ekipi po rritet, por nuk mund të them se jemi për kampionë, pasi është rrugë shumë e gjatë”, deklaroi trajneri i Partizanit, Skënder Gega, pas fitores 1-0 ndaj Tiranës në derbin e vlefshëm për javën e 6-të të kampionatit.
