Sipas raportit të Bankës së Shqipërisë, 10 më të pasurit në vend zotërojnë 7.35% të depozitave bankare, duke shënuar rënie të lehtë. Totali i depozitave kursimeve arriti në 1.683 miliardë lekë, ndërsa kreditë u rritën me 12.8%, me fokus te individët dhe huatë për blerje banesash
Dhjetë personat apo subjektet më të pasura në Shqipëri, kanë në banka 7.35 për qind të parave që janë në depozitat bankare. Sipas raportit të fundit të Bankës së Shqipërisë viti 2024 shënoi një rënie të pasurisë së tyre, pasi në 2023 kishin 8.04 për qind të totalit.
Në raport banka bën të ditur se në dhjetor të vitit 2024 vlera totale e depozitave të sistemit arrin në 1.683 miliardë lekë, me një rritje prej 4.87% , e ku duket se 1.267 milionë euro i kanë 10 më të mëdhenjtë.
Gjithashtu institucioni qendror financiar raporton një rritje të kredive të dhëna me 12.8 për qind, edhe pse u vendosën kufizime në mbulimin e kolateralit dhe ndalimit për tu dhënë hua personave që nuk kanë mundësi ti shlyejnë.
Sektori privat i është drejtuar bankave thuajse me të njëjtin nivel të një viti më parë, ndërsa rritje të ndjeshme kanë qenë prej individëve.
kredia “hua për pasuri të paluajtshme”“hua për blerje banesash” për individët, zë peshën më të madhe ndaj totalit të portofolit të kredisë me 26.8%, pasuar nga “hua për pasuri të paluajtshme” për bizneset me 24.3%.po ashtu huatë me afat të mesëm kanë qenë më të preferuarat krahasuar me ato me shlyerje të shpejtë apo të tejzgjatur në kohë.
