Një fotograf norvegjian ka shpërndarë foto të rralla të një vici të bardhë, me të cilin hasi teksa po ecte me shokët e tij.
24-vjeçari nga Oslo, Mads Nordsveen tha se vuri re një kafshë të bardhë në dëborë teksa shëtiste në veriun e Norvegjisë.
“Ai thuajse u zhduk në dëborë”, tha fotografi teksa publikoi fotot në Instagram. Viçat e bardhë konsiderohen si shumë të rrallë. Pamja e tyre e pazakontë është shkak i një kushti gjenetik që heq ngjyrën nga leshi i tyre, por nuk është albinizëm.
Sipas disa traditave skandinave, të shohësh një viç të bardhë konsiderohet një shenjë e fatit të mirë.
“Erdhi shumë afër meje dhe ne u pamë në sy. Ishte shumë i qetë kur pa se nuk kisha qëllime të këqija. Ai u soll madje sikur po pozonte për fotot e mia. Ishte shumë kurioz, argëtues, si një eksplorues i vogël”, tha fotografi.
Kafsha raportohet se u nda nga fotografi dhe miqtë e tij për t’u kthyer më pas tek e ëma në anën tjetër të pyllit.
Nordsveen e ka përshkruar këtë moment si “magjik” dhe si një “moment përrallor”./ TIRANA TODAY
