James T Hodgkinson është emri i personit që plagosi pesë persona në një shkëmbim zjarri në një terren sportiv mjaft të frekuentuar nga deputetë të Kongresit, përfshirë një drejtues të partisë republikane në Dhomën e Përfaqësuesve, Steve Scalise.
The Washington Post dhe CBS News raportojnë se Hodgkinson vjen nga një komuniteti i vogël i Belleville, Illinois, afër St Louis, Missouri.
Hodgkins, 66-vjeçar, ka në pronësi një biznes të inspektimit të shtëpive. Mediat amerikane raportojnë se afati i licencës së tij kishte skaduar në nëntor të vitit 2016, edhe se nuk është ripërtërirë që nga atëherë.
Në prill të vitit 2006, ai ishte akuzuar për sulm fizik dhe dëmtim të një automjeti, akuza të cilat ishin hedhur poshtë më vonë.
Megjithatë, policia ende nuk e ka konfirmuar vetë nëse ky është sulmuesi. Raportohet se ai i ka shkrepur 50 deri në 100 plumba me pushkë.
Incidenti ndodhi teksa republikanët po ushtronin për një ndeshje bejsbolli kundër demokratëve, raporton BBC.
