Pas denoncimit të bërë nga kreu i LSI-së dhe kandidatja për deputetet, Erisa Xhixho lidhur me dhunimin e një militanti të LSI-së në qytetin e Fierit e vërteta qëndron ndryshe.
Sipas burimeve nga policia e këtij qyteti për Tirana Today, mësohet se dhuna e ushtruar ndaj të riut 18 vjeçar, Orgest Grembi, ka qenë si pasojë e një konflikti për një pompë uji.
I riu i dhunuar dhe pala tjetër janë shoqëruar në polici për të dëshmuar rreth kësaj ngjarrjeje.
Sakaq thuhet nga burime konfidenciale se ky konflikt nuk ka qenë konflikt partiak por ka qenë një konflikt i rëndomë.
Statusi në “Facebook” i Petrit Vasilit
Goditet një anëtar i LSI-së në Zharrëz nga horra të PS-së.
Autor i veprës kriminale Agim Grembi.
Policia e drogës nuk ka arrestuar kriminelin.
PS të dënojë aktin, të distancohet nga kriminelët.
PS Fier, përgjegjësi të rëndë për armiqësinë e krijuar.
Përgjigja jonë do të jetë shumë e ashpër.
Nuk do të falim asnjë që guxon të bëjë presion.
Ndërsa, Xhixho ka publikuar në profilin e saj në “Facebook” fotot e të riut të dhunuar, ndërsa shkruan se dhuna ka ardhur si pasojë e frikës së PS-së për rritjen e LSI-së.
