Kristal Abazaj nuk do të jetë i vetmi transferim këtë sezon drejt Belgjikës, pasi edhe Sidrit Guri do të vazhdojë karrierën me ekipin belg të KVV Oostende. Lajmi është bëri i ditur nga vetë klubi, i cili me anë të një postimi në faqen zyrtare ka njoftuar se ka arritur marrëveshje me futbollistin dhe pritet që të kryen testet mjekësore. Guri do të firmosë një kontratë trevjeçare me Oostende, por nuk bëhet e ditur se sa do të kushtojë ky operacion.
“Njoftojmë se kemi arritur marrëveshjen me Sindrit Gurin, sulmues shqiptar që luan në Ligën e parë të Shqipërisë, me Kukësin, ku është edhe golshënuesi më i mirë. Guri, 24 vjeç do të nënshkruaj për 3 sezonet e ardhshme me klubin tonë, ndërsa këto ditë pritet të vijë për të kaluar testet mjekësore”, thuhet në faqen zyrtare të klubit belg.
Sulmuesi shkodran vlerësohet me fjalë të mira në Belgjikë, dhe e shquajnë për 20 golat këtë sezon, në 35 takime. Drejtori sportiv i Ostendes, Hugo Broos, e ka ndjekur Live disa herë, po ashtu si edhe trajneri i ri i Ostendes, Gert Berheien, dhe cilësitë e tij e kanë bindur.
“Është një sulmues i madh dhe i fortë, dhe me një nuhatje të mirë për golin. Jemi absolutisht shumë të lumtur që Guri zgjodhi ekipin tonë, një lojtar të cilin e donim patjetër, dhe jam i bindur se do bëjë mirë në Belgjikë.” – deklaroi drejtori sportiv.
Edhe presidenti Peter Kalant, është i kënaqur me sulmuesin e ri: “Ai ka shumë ego të tregojë veten në një arenë të huaj, dhe është një lojtar me ADN-në që na duhet neve, i ri, me ambicie dhe me dëshirë për të mësuar. Ky është transferimi ynë i parë dhe shpresojmë të ketë edhe të tjerë.”
Ndërkohë, vetë Guri shprehet: “Dua të ndërtoj një karrierë të qëndrueshme dhe kampionati belg është perfekt për mua. Kishte interes edhe nga klube të tjera, por Ostende tregoi seriozitet duke më kërkuar me ngulm. Kam ardhur të tregoj vlerat e mia, dhe jam i lumtur që Ostende është klubi im i parë jashtë vendit.”
