Në këtë fillim të vitit të ri shkollor, Policia e Qarkullimit Rrugor Tiranë ka ndërmarrë një fushatë sensibilizuese mbi rregullat e qarkullimit rrugor me nxënës të Shkollave 9-vjeçare të Komunave Baldushk, Petrelë dhe Bërzhitë.
Fushata sensibilizuese jep disa këshilla mbi rregullat e qarkullimit rrugor.
-Mos luani rreth mjeteve të parkuara.
Nëse ju luani, luani në vende të sigurta.
-Mos harroni!! Kur lëvizni me biçikletë, gjithmonë vendosni kaskën mbrojtëse. Ajo u mbron.
-E verdha: Nuk ndërpritet rruga. Në qoftë se keni filluar lëvizjen, mund të shkoni deri në anën tjetër.
-E gjelbër: Rrugë e lirë, mund të kaloni.
-Gjithmonë kaloni atje ku ka rrugë kalimi për këmbësorët (vijat e bardha). Kështu evidentoni rreziqet.
Kur udhëtoni me makinë vendosni rripin e sigurimit. Kërkojuani këtë edhe prindërve dhe të afërmve tuaj. Nëse jeni në rrugë dhe ndodh diçka, mos nguroni, kërkoni ndihmë. Kështu mund të shpëtoni edhe veten dhe të tjerët. “Të gjithë së bashku që fëmijët tanë të ecin të sigurt drejt së ardhmes!”, – thuhet në mesazhin e fushatës sensibilizuese të Policisë së Qarkullimit Rrugor Tiranë.
