PD-ja ka denoncuar sot se deputeti i kësaj force, Xhemal Gjunkshi, është dhunuar gjatë një proteste të zhvilluar në Dibër. Me anë të një deklarate për mediat, thuhet se deputeti është tërhequr me forcë, gjatë një protestë kundër Ramës.
Po kështu nënvizohet fakti se deputeti ka shenja të dhunës në trup, nga tërheqja e uniformave blu.
Denoncimi i PD
Policia dhunon deputetin Xhemal Gjunkshi! Ai po protestonte bashkë me qytetarët, kundër kryeministrit Rama.
Deputeti Gjunkshi është tërhequr me dhunë nga policia, duke u penguar të protestojë.
Dibranët presin me protestë Edi Ramën, qe ka mbledhur administratën në ditë pushimi.
Deputeti Gjunkshi ka shenja të dhunes në trup nga tërheqja e policëve. Ky është një akt i paligjshëm kundër një deputeti.
