Kryetari i LSDM-së Zoran Zaev, thekson se shumica parlamentare është e gatshme të realizojë vullnetin e qytetarëve për të formuar qeverinë e re.
Në takimin që zhvilloi Zaev me ambasadorët e Gjermanisë, Christine Althauser; Suedisë, Mats Staffansson; Holandës, Wouter Plomp dhe Britanisë së Madhe, Charles Garret, siç bëjnë të ditur nga kjo parti, është konstatuar se Maqedonia duhet patjetër të vazhdojë me proceset demokratike çka do të sigurojë të ardhme të qëndrueshme për të gjithë qytetarët.
Po në këtë takim është folur edhe për nevojën, që të gjithë subjektet politike në vend, në institucione, si edhe individët politikë, të kenë parasysh përgjegjësinë që kanë në lidhje me procesin.
“Dalja nga kriza politike arrihet përmes zbatimit të reformave urgjente që do t’i zhbllokojnë perspektivat euro-atlantike”, thuhet se është konkluduar në fund të pritjes së ambasadorëve.
