Kreu i LSDM-së, Zoran Zaev, ka deklaruar se mund të zgjidhet kryetari i Kuvendit të Maqedonisë në çdo moment.
“Kryetari i Kuvendit do të zgjidhet në këtë sallë, në tjetër sallë, në shkallë, në amfiteatër të Fakultetit Juridik, në ASHMAA. Mundet në Pelincë, në Krushevë, në Strumicën time, në ndonjë hotel. Ne kemi besimin e votuesve, kemi të drejtë të zgjedhim kryetarin”, tha Zaev.
Zoran, gjatë fjalës së tij para medieve, tha se kanë kaluar më shumë se 30 ditë dhe shumica e re parlamentare është ende duke u lutur që deputetët e VMRO-DPMNE të mos shkelin nenin 89 dhe 90, dhe të mundësojnë zgjedhjen e kryetarit të ri të Kuvendit.
Gjithashtu, ai tha se ka kaluar koha, kur politikanët kanë mundur të shkelin Rregullore dhe Kushtetutën e Maqedonisë.
