Meritan Shabani mund të largohet nga Bayern Munich gjatë afatit kalimtar të janarit. Mesfushori nga Kosova, ka debutuar edicionin e kaluar me fanellën e bavarezwve në Bundesliga.
Këtë edicion Shabani kryesisht ka luajtur në Regional liga me Bayern II, ndërsa numëron dy ndeshje me ekipin e parë. Por forma e mirë me ekipin e dytë të Bayernit si duket i ka lënë përshtypje gjigantit holandez Ajax Amsterdam.
Mediat gjermane kanë raportuar se Ajax ka kërkuar informacione shtesë te Bayerni për talentin Shabani. Kampionët e shumëfishtë të Holandës po e duan transferimin e Shabanit qysh në afatin kalimtar të janarit.
Por Bayerni nuk është i interesuar ta lërë të lirë të largohet ylli i tyre i ri. Bavarezët janë të gatshëm ta lënë të largohet Shabani vetëm si huazim për të fituar sa më shumë përvojë.
