Ylli i Bayernit kërkon “divorcin”, Reali në gatishmëri për ta rrëmbyer

Bayern Munich duhet të përgatitet për një verë të gjatë dhe të nxehtë, pasi pritet të bëjë disa blerje të bujshme për të rinovuar ekipin. Por nuk mbaron me kaq, sulmuesi kryesor i bavarezëve Robert Lewandowski nuk do të jetë më një futbollist i tyre duke filluar që nga sezoni i ardhshëm.Bomberi polak e ka marrë tashmë vendimin e tij dhe me anë të agjentit ua ka komunikuar drejtuesve të Bayernit. Rummenigge e ka përshkruar yllin 29-vjeçar si tërësisht besnik dhe ka për ta zbatuar deri në fund kontratën që e lidh me gjermanët, e cila skadon në 2021-shin.Por duke iu referuar asaj që shkruan gazeta prestigjioze Bild, Leva nuk dëshiron të luajë më në Gjermani pasi objektivi i tij është të provojë një eksperiencë të re larg Bundesligës. Opsioni i parë dhe më i mundshëm për Lewandowskin është Real Madrid, pasi “mbretërit” janë në kërkim të një zëvendësuesi të Karim Benzema. Por nga ana tjetër edhe Bayerni është i interesuar për shërbimet e francezit, por më shumë për Gareth Bale dhe me shumë mundësi do të kërkojnë një shkëmbim lojtarësh.Mes dy klubeve pavarësisht përballjeve të shumta në fushën e lojës me shumë polemika, në merkato kanë bashkëpunuar shpesh herë. Kujtojmë rastin e fundit të James Rodriguez që madrilenët e lejuan të kalonte në kampin bavarez.Por përveçse spanjollëve të madridit, edhe Chelsea e PSG janë dy skuadra tepër të interesuara për shërbimet e sulmuesit polak.