Transfermarkt.de ka publikuar së fundmi vlerën lojtarëve të Bundesligës. Në vendin e parë qëndron mesfushori Dortmund, i cili ka bërë në rritje të “çmendur” të lerës së tij. Falë paraqitjeve fantastike, 18-vjeçari, Jadon Sancho tani vlen 70 mln euro (në fillim të sezonit ishte vetëm 15 mln euro).
Asnjëherë më parë nuk ka pasur një rritje çmimi kaq gjigante në Bundesliga. Së bashku me yllin e Bayern Munich, Robert Lewandowski (po ashtu 70 mln euro), Sancho është kthyer në lojtarin më të vlefshëm të kampionatit.
Ndërkohë yjet e Bayern kanë rënë ndjeshëm të gjithë. Lewa kushton 10 mln euro më pak, por ai është vetëm një nga 10 lojtarët që kanë rënë. James Rodriguez (65 mln euro, -15mln), Mats Hummels (30 mln euro, -15 mln), Thomas Muller (29 mln euro, -10 mln), Jerome Boateng (30 mln euro, -10 mln) dhe Manuel Neuer (32 mln euro, -8 mln).
Gjithsej skuadra e Bayern vlen 65 mln euro më pak. I vetmi lojtar në rritje është Serge Gnabry i cili vlen 40 mln euro, 10 mln më shumë se herën e fundit.
