Mbrëmja e djeshme në Big Brother VIP Kosova solli një situatë të tensionuar mes banorëve, pas një sfide të pazakontë që kërkonte që tre prej tyre, Xheneta, Drenusha dhe Gjesti, të ndanin një veshje të përbashkët.
Megjithëse fillimisht dukeshin se po qëndronin së bashku, situata u përkeqësua kur Xheneta vendosi të largohej dhe akuzoi Gjestin për sjellje të papranueshme. Ajo pretendoi se ai e kishte tërhequr zvarrë dhe e kishte goditur me bërryl gjatë sfidës.
Në një moment të tensionuar, Xheneta iu drejtua Gjestit me fjalët: “Ti je dhunues, je kokrra e mashtruesit”.
Këto fjalë shkaktuan një atmosferë të ndezur dhe çuan në reagime të shumta nga banorët e tjerë. Ky incident ka ngritur pyetje për marrëdhëniet dhe dinamikat mes banorëve, duke shtuar dyshime dhe pasiguri rreth natyrës së marrëdhënieve të tyre në shtëpi.
