Deputeti i Partisë Demokratike, Besart Xhaferri, i ftuar në studion e “Ora News”, komentoi reagimin e SHBA pas zgjedhjeve dhe theksoi vendosmërinë e opozitës për të dokumentuar shkeljet zgjedhore.
“Është një mesazh shumë i ftohtë, shumë i shkurtër në krahasim me mesazhin e 2021 por po ashtu edhe në krahasim me mesazhet që janë bërë nga vetë departamenti i shtetit apo ambasada e shteteve të bashkuara për vendet e tjera ku përmendet nominalisht kryeministri që fitoi zgjedhjet dhe kjo krijon një lloj pranimi të zgjedhjeve nga ana e tyre.
Mendoj se ka qenë një urim vetëm pikërisht ashtu siç është shkruajtur dhe në popullin shqiptar për zgjedhjet, ndoshta për shkakun që nuk pati incidente, që ishin zgjedhje paqësore.
Ndërkohë ndoshta urimi kryesor që i bënë Edi Ramës ishte kur i përmendën kartelat e drogës, që ishte para një jave apo dhe heshtja e tyre prej më shumë se 16 ditësh që nga dita e zgjedhjeve ndryshe nga më parë.
Megjithatë kjo nuk na ndryshon aspak misionin tonë si opozitë që është të dokumentojmë dhe faktojmë të gjithë farsën elektorale duke u bazuar gjithashtu tek raporti i OSBE odihrit, i cili ka përmendur që në fillim pjesëmarrjen e administratës në fushatë zgjedhore. Tani ne duhet ta faktojmë atë me fytyra, me emra, me prova, me fakte, me kallëzime të çdo drejtori, të çdo pushtetari që gjatë këtyre 3-6 muajve nuk ishin në shërbim të taksapaguesve por në shërbim të partisë për vetëm procesin elektoral”, u shpreh Xhaferri.
