Windows 11, programuar të lançohet në 24 qershor, mund të vihet në dispozicion si një azhornim falas jo vetëm për përdoruesit e Windows 10, por edhe për ata që përdorin Windows 7 dhe Windows 8.1. Disa referenca për mbështetjen e përparuar të azhornimit dolën nga një sistem i lëshuar së fundmi i Windows 11 para njoftimit zyrtar të tij. Microsoft më parë kishte një program të ngjashëm azhornimi falas për Windows 10. Ai synonte të sillte gjithnjë e më shumë përdorues në sistemin operativ më të fundit Windows dhe të lëvizte në mënyrë të sigurt njerëzit nga platformat e vjetra që nuk mbështeteshin më nga Microsoft.
Zhvilluesit XDA kanë lokalizuar disa çelësa konfigurimi produkti në sistemin e “rrjedhur për publikun” të Windows 11 që përmbajnë tituj të Windows 7 dhe Windows 8.1. Këto çelësa mund të jenë një tregues që Microsoft ka sjellë Windows 11 si një azhornim falas për përdoruesit e sistemeve të vjetra operative Windows.
Sidoqoftë, është interesante të theksohet se Windows 8 nuk është pjesë e çelësave të konfigurimit. Kjo sugjeron që përdoruesit e Windows 8 mund të duhet të azhornojnë në Windows 8.1 para se të azhornojnë në Windows 11./ TIRANA TODAY
