Më datë 1 dhjetor do të zhvillohet një ndeshje e madhe boksi mes kampionit të botës në fuqi të peshave të rënda në WBC, Deontay Wilder, me ish-kampionin Tyson Fury. Ashtu si pritej në konferencën e parë për mediat gjithçka u shoqërua me tension duke parë edhe karakterin që kanë dy boksierët.
Ishte britaniku ai që i kërkoi amerikanit të dal në skenë dhe të bëjnë një nxehje, ashtu siç bëjnë sportistët çdo herë para një ndeshje. Dhe normalisht që Wilder nuk e refuzoi, por për një moment 32-vjeçari nuk arriti të mbajë gjakftohtësinë.
Ai shtyu me dorë Furyn dhe menjëherë sigurimi u fut në skenë për të ndalur një përleshje më të madhe. Në rast se Wilder fiton në këtë meç atëherë mundësitë janë të mëdha që ai të përballet me Anthony Joshuan. Joshua aktualisht ka të gjithë titujt, përveç atë të WBC që mbahet nga Wilder.
