Deonaty Wilder është mbreti i ringut për peshat e rënda në kategorinë WBC, pasi mposhti me “KO” që në raundin e parë kanadezin Bermene Stiverne, në revanshin e zhvilluar në New York. Dy vite më parë sfida mes dy boksierëve kishte zgjatur deri në raundin e 12, por këtë herë nuk ka pasur histori pasi Wilder e ka mposhtur në pak minuta duke vërshuar me 15 grushte ndaj Stiverne që e lanë në tokë. Ky ishte suksesi i 39 për amerikanin dhe nuk ka pësuar asnjë humbje.
Wilder ishte si një bishë në ring, nuk e toleroi rivalin për asnjë sekondë, duke e hedhur në tapet në fundin e raundit të parë, të cilin e dominoi totalisht, duke lëshuar 15 grushte karshi kanadezit dhe mos pësuar asnjë. “Tani dua Joshua. E gjithë bota kërkon një përballje mes Joshua dhe Wilder. Joshua, eja dhe më tako vogëlush. Mjaft më fjalë, s’ka më justifikime. Cakto datën dhe eja të përballesh me mua”, ka thënë Wilder pas duelit, i karikuar në maksimum dhe emzi pret të unifikojë titujt kampionë bote në peshat e rënda.
