Wilder: Ata refuzojnë duelin, po e mbrojnë Joshuan

Amerikani, Deontay Wilder, pak ditë më parë ka mbrojtur titullin kampion bote në boks, në kategorinë WBC përballë Luis Ortiz ku e mposhti me “KO”. Menjëherë pas triumfit ai i shpalli sfidë boksierit anglez, Anthony Joshua, për një përballje mes tyre, por mesa duket ky i fundit akoma nuk ka pranuar që të dyja palët të ulen. Joshua do të përballet në 31 mars me neo-zelandezin, Joseph Parker. “Të vetmen gjë që më kanë ofruar është një duel me Dyllian White, por kjo sfidë nuk ka asnjë të afërt me një duel mes meje dhe Joshua”, tha Wilder për mediat.

Wilder, ka deklaruar sot se deri më tani nuk ka marrë asnjë ofertë zyrtare nga Eddie Hearn, menaxheri i kampionit tjetër të botës në këtë peshë, Anthony Joshua, për një përballje mes tyre. “Ata nuk duan që kjo përballje të ndodhë dhe sajojnë sfida të ndryshme për të evituar që të kemi një unifikim të titujve kampionë bote. Nuk kemi diskutuar asgjë në lidhje me një duel mes meje dhe Joshua nuk më kanë bërë asnjë ofertë. Ende nuk e kuptoj se përse refuzojnë ta organizojnë një përballje të tillë, përse e mbrojnë Joshua”, tha Deontay Wilder.