WhatsApp më në fund do të përditësojë një karakteristikë të re që do t’ju lejojë të fshini mesazhet deri në shtatë minuta pasi i keni dërguar. Ne të gjithë kemi dërguar të paktën një herë një mesazh që më vonë kemi dëshiruar të mos ta kishim nisur.
Funksioni do të quhet “Fshij për të gjithë”.
WhatsApp ka publikuar një udhëzues se si të “fshini mesazhet për të gjithë” në faqen zyrtare të internetit.
“Fshirja e mesazheve për të gjithë ju lejon të fshini mesazhet specifike që keni dërguar në grup ose në një bisedë individuale. Kjo është e dobishme nëse keni dërguar një mesazh në chat të gabuar ose nëse mesazhi që keni dërguar përmban një gabim. Mesazhet që do të do të zëvendësohen me ‘Ky mesazh është fshirë’ në bisedat tuaja. Ju mund të fshini mesazhet vetëm shtatë minuta pas dërgimit. Pasi të keni kaluar shtatë minuta, nuk ka asnjë mënyrë për të fshirë mesazhet”.
Kjo funksionon për çdo lloj mesazhi duke përfshirë tekstin, imazhet dhe videot.
Megjithatë, marrësit mund të kapin një screenshot të mesazheve tuaja, prandaj ne ju këshillojmë të jeni të kujdesshëm përpara se të dërgoni mesazhet tuaja. (TIRANA TODAY)
