Interesimi i Real Madrid drejt sulmuesit të Interit, Mauro Icardi duke se nuk ka asnjë zhvillim zyrtarë. Këtë e ka konfirmuar bashkëshortja dhe njëkohësisht agjentja e lojtarit, Wanda Nara. Ajo është shprehur se nuk di asgjë për këtë pistë dhe se nuk është kontaktuar deri tani. Nëse do të ishte në dorën e Mauros, ai do të zgjidhte përjetë ngjyrat zikaltër, ka theksuar Wanda.
“Ne gjithmonë shpresojmë të qëndrojmë në Inter, kjo varet nga klubi”, ka thënë fillimisht Wanda për Canale 5.
“Nuk di asgjë për Real Madridin, kështu që nuk do të them as JO dhe nuk do të them as PO. Nëse do të ishte për Mauron, ai do të qëndronte në Inter për gjithë jetën, por pastaj ka gjëra të tjera që nuk mund ta dimë. Ne shpresojmë që të jetë kështu”, përfundoi agjentja dhe gruaja e Icardit, Wanda.
