Wanda Nara prej disa javësh është në faqet e para të gazetave ‘rozë’ në Itali. Së fundmi bashkëshortja dhe agjentja e kapitenit të Interit, Mauro Icardit, nuk po komentohet për ngërçin në rinovimin e kontratës së sulmuesit. Ajo me anë të një postimi në rrjetin social “Instagram” ka lëshuar një mesazh të koduar.
“Më pëlqejnë personat që flasin tri gjuhë: ata që të flasin përballë, në mënyrë direkte dhe me b..e”, shkruante ai postim.
Ky mesazh nuk dihet se kujt i drejtohet, pasi Wanda mund të themi që ka shumë kritikues. Të parët janë tifozët e Interit, më pas Interi. Nuk duhet të harrojmë këtu motrën e Ikardit që është e qartë që nuk e do kunatën e saj. Gjithashtu dhe intervistat e Maksi Lopezit e kanë agravuar disi situatën mes tyre.
