Ministri i Punës në Qeverinë e Serbisë, Aleksandar Vulin, ka thënë se kryeministri Edi Rama është i gatshëm të shkaktojë luftë në Ballkan, me deklaratat e tij shantazhuese ndaj Bashkimit Evropian.
Sa i përket qëndrimit të kreut të qeverisë shqiptare se, nëse zbehet perspektiva e anëtarësimit të Ballkanit Perëndimor në BE, nuk përjashtohet bashkimi i Shqipërisë me Kosovën, Vulin ka shpjeguar se kjo nuk është hera e parë që Rama e bën një deklaratë të tillë. Me këtë qëndrim, sipas Vulin, Rama po kërcënon paqen në Ballkan.
“Bashkimi i Shqipërisë dhe Kosovës nuk mund të bëhet me mjete paqësore, dhe nuk mund të ndodhë pa një luftë dhe nuk mund të ndodhë pa një fatkeqësi të madhe. Edi Rama do të përsërisë këtë deklaratë dhe do të vazhdojë të bëjë shantazh ndaj BE-së, deri në kohën kur BE-ja t’ia bëjë të ditur se një sjellje e tillë është e papranueshme dhe se jo vetëm që do të dënohet, por do të ndëshkohet”, ka thënë Vulin për gazetarët, raporton Tanjug.
