Pas postobllokut nga ana e policisë, ishte e pamundur që Presidenti i Serbisë ti takonte banorët e Banjës. Kjo vizitë u ndalua me një vendim të dhënë nga kryeministri Haradinaj. Në pamundësi që të shkojë në Banjë, Vuçiç i është drejtuar banorëve të këtij fshati të Drenicës, me anë të një lidhje telefonike.
Ai u ka thënë atyre se i vjen keq që nuk ka mundur t’i takojë, pasi kështu kanë vendosur autoritetet e Prishtinës.
“Iu lus që të qëndroni të qetë, shteti juaj (Serbia) do t’u qëndrojë prapa. Do të mundohem që jeta juaj, e ardhmja juaj të jetë e ndritshme. Nuk kam mundur të vij, për shkak se nuk kam dashur t’ua rrezikoj jetën”, është shprehur ai.
