Në një konferencë për dialogun me Kosovën dhe Asosacionin e Komunave serbe, Presidenti i Serbisë Aleksandër Vuçiç është shprehur se nuk ka zgjidhje të lehtë dhe pa dhimbje për zgjidhjen e problemeve me Kosovën.
Aleksandër Vuçiç është shprehur ndër të tjera se Serbia, që nga nënshkrimi i marrëveshjes së Brukselit, ka thënë gjithçka nga vetja që të jetë partner i sinqertë jo vetëm ndaj shqiptarëve, por edhe ndaj bashkësisë ndërkombëtare.
“Shqiptarët, heshturazi, pa ndonjë kundërshtim të qartë kundër BE-së, nuk e kanë përmbushur obligimin e kjo është formimi i Asociacionit”, tha Vuçiç.
Sipas tij, Serbia ka insistuar në formimin e ASK-së. Ai sërish ka bërë apel tek serbët në Kosovë që të jenë “të qetë dhe mos të bien në provokime të mundshme”.
“Çështja është se çfarë vendimi do të marrim për zgjidhin e çështjes a do të vazhdojmë me mbulimin sikurse tani dhe a mundet Serbia në të ardhmen të fitojë diçka më shumë se sa sot? Si president i Serbisë edhe pse është e vështirë për njerëzit që bashkëpunojmë dhe për qytetarët e Serbisë dhe ky vendim nuk është i mirë zgjidhja e problemit është i domosdoshëm dhe sa më parë. Na nevojitet paqe dhe jetëgjatësi mes neve dhe shqiptarëve pra është e domosdoshme paqja mes serbëve dhe shqiptarëve. Na nevojitet një zgjidhje që siguron paqe për popullin tonë kurse ata të sigurojnë për popullin vet. Për neve është e rëndësishme që të sigurojmë një stabilitet afatgjatë për popullin tonë. Në qoftë se nuk e zgjidhim çështjen e Kosovës do të kemi për 1 milion njerëz më pak në Serbi”, tha Vuçiç.
