Presidenti i Serbisë, Aleksandar Vuçiç, nëpërmjet një deklarate për shtyp, mbrëmjen e sotme, ka tentuar që të ulë tensionet me Kosovën.
Ai i bëri thirrje shqiptarëve të Kosovës që të vazhdojnë dialogun në Bruksel.
Vuçiç komentoi ‘kërcënimet’ nga ana e shqiptarëve dhe tha se për shkak të kësaj duhet të vazhdojë dialogu në Bruksel.
Presidenti i ri i Serbisë theksoi se është e rëndësishme të largohen tensionet dhe të mos ketë provokime të reja me fjalë të tilla se do të dëbohen njerëzit nga shtëpitë e tyre.
“Është e rëndësishme të shmangen incidentet. Ky është një propozim për njerëzit në Bruksel dhe Prishtinë. Është e lehtë t’iu përgjigjesh fyerjeve dhe kërcënimeve, por më e rëndësishme është të bëhet diçka për ta stabilizuar situatën”, u shpreh Vuçiç.
