Një ngjarje e rëndë u regjistrua pasditen e 14 gushtit në fshatin Pirg të Maliqit. Një 14 vjeçar u vra me thikë nga nëj bashkëmoshatar i tij, pas një konflikti. Sipas burimeve, dy të miturit ishin konfliktuar në rrjetet sociale e më pas u përleshën me thikë, ku njëri prej tyre do të kishte fund fatal.
Policia e Korçës ka shoqëruar në komisariat autorin e dyshuar, E. Guri 14 vjeç i cili pas kryerjes së krimit, tentoi të largohej nga vendngjarja me automjet ndërkohë pas hetimeve ka vënë ën pranga dhe 8 persona të tjerë.
Për këtë rast, Policia e Korçës arrestoi babanë dhe xhaxhanë e autorit të dyshuar, pasi fshehën mjetin prerës (thikë), me të cilin u krye krimi. Mbi ta rëndon akuza “Veprime që pengojnë zbulimin e të vërtetës”.
U arrestuan 4 të mitur për veprat penale “Moskallëzimi i krimit” dhe “Veprime që pengojnë zbulimin e të vërtetës”, të pranishëm gjatë konfliktit mes 14-vjeçarëve, të cilët nëpërmjet deklarimeve në Polici, tentuan të pengojnë zbulimin e së vërtetës.
U arrestua një 34-vjeçar për veprën penale “Moskallëzimi i krimit”, gjithashtu i pranishëm gjatë konfliktit, i cili tentoi të largohet nga vendngjarja, në të njëjtin automjet me 14-vjeçarin.
Policia gjithashtu sekuestroi mjetin prerës (thikë), automjeti me të cilin tentuan të largoheshin 2 shtetasit dhe 5 celularë.
