Një shqiptar që vrau bashkëshorten e tij në Vjenë, është dënuar me burgim të përjetshëm nga Gjykata rajonale për vrasje. Ngjarja ndodhi më 20 maj 2018, ndërsa shqiptari ka habitur në sallë me deklaratën e tij.
Vendimi i jurisë ishte unanim. Për shkak të fakteve dhe dosjeve masive relevante penale të të akuzuarit “është pritur dënimi maksimal”, pohoi gjykatësja Eva Brandstetter, shkruan albinfo.ch.
67-vjeçari u përgjigj me një heshtje të gjatë kur u pyet nëse e kishte kuptuar vendimin, ndërsa më pas tha: “Nuk u dënova pasi e kam kryer këtë akt, por sepse jam shqiptar”.
Ndërsa pyetjes nëse e pranonte gjykimin, ai vendosi të mos i përgjigjej. Në vend të kësaj, ai mbajti një monolog në gjuhën e tij amtare dhe më pas u shoqërua nga salla nga dy roje të burgut.
Shqiptari vrau të shoqen 59-vjeçare duke e qëlluar me një thikë 8 herë, pasi gjatë një zënke me fjalë, ajo i kishte thënë një “fjalë të pistë”, që ai nuk e shqiptoi dot, shkruajnë mediat austriake.
Përveç kësaj, ajo e kapi atë “si një burrë” nga jaka dhe e pështyu. Sipas tij, deklaratat e gruas e zemëruan pa masë dhe nuk duroi më.
Megjithatë, kosovari 67-vjeçar, në moshën më të re kishte vrarë edhe dy gra të tjera dhe ka qenë i burgosur edhe më parë. Në vitet ‘70, ai ishte dënuar në Gjermani, sepse kishte therur të dashurën e tij në një gjendje të dehur, për të cilën ka vuajtur burg për 20 muaj. Në vitin 1992, gjykata kantonale zvicerane e Graubundenit i dha 17.5 vite burg për vrasje. Gjatë një grabitje, ai e kishte sulmuar njëmbëdhjetë herë me thikë në fytyrë, qafë dhe gjoks një grua.
Edhe në Austri ai ka qenë i njohur për delikte të ndryshme me lëndë narkotike. Në vitin 2008, në Vjenë ai ishte dënuar me pesë vite burg, ku edhe njohu bashkëshorten e tij të ardhshme. Kur u lirua, që të dy u martuan.
Në fund të dhjetorit 2016, gruaja e la bashkëshortin dhe u kthye në vendlindjen e saj për disa javë. Pastaj kthehet në Vjenë, në shkurt 2017, ku dhe banonte me djalin e saj nga një marrëdhënie e mëparshme.
