Gjykata e Tiranës ka dënuar me burgim të përjetshëm Robert Përpepajn, i cili vrau me armë zjarri 17-vjeçaren Griselda Gjikolaj në 2018-ën.
Aktualisht autori Robert Përpepaj është në kërkim nga policia pasi ndodhet në arrati.
Ja se ç’raportohej në 2018-ën:
27/12/2018
Pas ngjarjes së rëndë që ndodhi në Laprakë, mësohet se Policia e Shtetit ka ushtruar kontrolle në orët e vona të mbrëmjes së djeshme në banesën e autorit të dyshuar.
Sipas informacioneve të para dhënë nga policia, autori i dyshuar nuk është gjetur në banesën e tij.
Paraprakisht burime bëjnë me dije se shkak për këtë ngjarje është një konflikt që dy djemtë kanë pasur me njëri-tjetrin, para një jave.
19-vjeçari ka ngacmuar Griselda Gjikolajn, dhe i dashuri i saj Erjon Benga e ka qëlluar. 19-vjeçari jeton në Laprakë, shumë pranë vendit të ngjarjes. Aktualisht po vijojnë kontrollet e policisë, po ende nuk është bërë e ditur vendodhja e të riut.
