Është zbardhur shkaku i vrasjes së ndodhur pasditen e sotme në fshatin Pla të Hasit, ku 34-vjeçari R.S u qëllua për vdekje me armë zjarri nga 41-vjeçari Y..J.
Sipas burimeve nga policia, konflikti dyshohet se ka nisur një ditë më parë, kur viktima ka goditur nënën e autorit të dyshuar. Për këtë arsye, Ylber Jaku ka vendosur të marrë hak duke qëlluar Sallahut me armë zjarri, ndërkohë që në sfond ekziston edhe një përplasje për motive pronësie mes dy familjeve.
Trupi i viktimës u gjet brenda automjetit të tij, ndërsa policia ka bërë të mundur arrestimin e menjëhershëm të autorit të dyshuar. Në vendin e ngjarjes është sekuestruar edhe arma e zjarrit e përdorur në krim.
Forcat e Policisë së Hasit, në bashkëpunim me Forcat e Posaçme “Shqiponja” të DVP Kukës, kanë kryer veprimet e para hetimore. Nën drejtimin e Prokurorisë, vijon puna për dokumentimin e plotë të ngjarjes tragjike.
Has/Informacion paraprak
Rreth orës 16: 40, është marrë njoftim se në fshatin Pla, shtetasi Y. J., 41 vjeç, dyshohet se ka vrarë me armë zjarri shtetasin R. S., 34 vjeç, dyshohet për motive pronësie
Në vendngjarje shkuan menjëherë shërbimet Policisë, si dhe në mbështetje të Policisë lokale shkuan Forcat e Posaçme Shiqponja të DVP Kukës.
Si rezultat i veprimeve të shpejta policore u bë kapja dhe arrestimi i autorit të dyshuar.
Në vendin e ngjarjes është gjetur dhe sekuestruar arma e zjarrit e dyshuar e përdorur nga autori.
Nën drejtimin e Prokurorisë, vijon puna për dokumentimin e plotë të ngjarjes.
