Prokuroria e Elbasanit depozitoi sot në Gjykatë kërkesën për caktim mase sigurie arrest në burg për katër të miturit e arrestuar për ngjarjen në Gramsh.
Akuza ndaj tyre është vrasje në bashkëpunim dhe mbajtje pa leje e armëve të ftohta.
Kujtojmë se pak ditë më parë u vra me thikë në ambientet pranë shkollës së tij, 15-vjeçari Fatjon Bici.
Njoftim për publikun
Prokuroria pranë Gjykatës së Shkallës së Parë e Juridiksionit të Përgjithshëm Elbasan sot më datë 18.05.2023 ka depozituar në Gjykatën e Shkallës së Parë të Juridiksionit të Përgjithshëm Elbasan, kërkesën për vleftësimin e arrestit dhe caktimin e masës së sigurimit për shtetasit e mitur në konflikt me ligjin O.Ç , E.K, S.M dhe XH.Ç të dyshuar si autorë të kryerjes së veprës penale “Vrasja në rrethana të tjera cilesuese” e kryer në bashkëpunim, me viktimë shtetasin e mitur F.B dhe e mbetur në tentativë ndaj të miturit M.L, si dhe “Prodhimi, mbajtja, blerja apo shitja pa leje e armëve të ftohta” në formën e mbajtjes pa leje të thikave apo dorezave përforcuese grushti, në ambjente publike, parashikuar nga nenet 79 e 25 dhe në një rast në lidhje me nenin 22 K.Penal dhe neni 279/2 të Kodit Penal, për secilin prej tyre.
Shënim : Ky njoftim nuk cënon parimin e prezumimit të pafajësisë.
