Në raport gjithashtu theksohet se ai është përdorues i substancave narkotike, por që kjo nuk ka ndikuar në shëndetin e tij mendor.
Del raporti i ekzaminimit psikiatrik i Dardan Krivaqës, autorit të vrasjes makabër të 18-vjeçares Marigona Osmani më 21 gusht të 2021. Në raportin e Institutit të Forenzikës në Kosovë bëhet me dije se Krivaqa nuk ka probleme apo çrregullime mendore. Në raport gjithashtu theksohet se ai është përdorues i substancave narkotike, por që kjo nuk ka ndikuar në shëndetin e tij mendor.
“Te i ekzaminuari Dardan Krivaqa nuk është konstatuar ndonjë çrregullim apo sëmundje mendore e karakterit psikotik. Nuk është konstatuar prapambetje mendore. Sipas te dhënave poseduese, i njëjti është përdorues i substancave psikoaktive”, thuhet në dokument.
Sipas ekzaminimit të siguruar nga specialistët dhe mediat kosovare, zbulohet se autori i vrasjes makabër Dardan Krivaqa është konstatuar se ka çrregullim të personalitetit antisocial e cila shfaqet me sjelljen agresive dhe manipuluese.
“Te i ekzaminuari është konstatuar dg/Çrregullim i personalitetit antisocial, i cili sipas Klasifikimit Ndërkombëtar të Sëmundjeve kodohet me shifren F-60.2 ( ICD-10). Personat e tillë karakterizohen me sfera të shthurura të funksionimit jetësor me rrahje, kërcënime, gnjeshtra, ikje nga shtëpia, probleme në raportet ndër njerëzore, me familjen, me rrethin, probleme në punë, abuzim me substanca, aktivitete ilegale të cilat kanë filluar që në fëmijëri. Janë manipulues dhe u pēlqejnë aktivitetet të cilat lehtë sjellin të holla dhe famë. Nuk pendohen për veprimet e tyre dhe çdo herë ja u hedhin fajin të tjerëve për veprimet e tyre. Mungesë keqardhjeje për secilin prej sjelljeve të mësipërme. Ndonëse mund të jenë edhe arrogantë, por janë gjithmonë të aftë të duken tërheqes, në situata të caktuara”, thuhet gjithashtu në dokument.
Në bazë të raportit psikiatrik, Krivaqa është në gjendje të marrë pjesë në seancë gjyqësore. Ai gjithashtu është i aftë për të mbrojtur veten dhe të konsultohet me persona të tjerë duke përfshirë avokatin e tij mbrojtës si dhe ka aftësinë për të kuptuar akuzën dhe përballuar gjykimin.
Vrasja e Marigona Osmanit
Marigona Osmani u dërgua e vdekur më 23 gusht 2021 në derën e spitalit të Ferizajt, në Kosovë. Vetëm 18-vjeç, Marigona ndërroi jetë për shkak të dhunës së ushtruar ndaj saj. Ajo u la në derën e spitalit nga Dardan Krivaqa dhe Arbër Sejdiu të cilët u larguan me një “Audi” me targa zviceriane. Rasti i Marigona Osmanit nxorri zbuluar dhe të shkuarën kriminale të Krivaqës. Ajo u gjet e vdekur në derën e spitalit në Ferizaj nga bluzat e bardha. Ekspertiza konstatoi se 18-vjeçarja ishte dhunuar për vdekje dhe kishte ndërruar jetë 24 orë para se të hidhej në dyert e spitalit.
