Në emisionin “Open” është trajtuar vrasja e 14-vjeçarit, Martin Cani, nxënës në shkollën “Fan Noli”, i cili u qëllua për vdekje me thikë nga një bashkëmoshatar i tij.
Analistja Ornela Çuçi tha se kur ndodhin makabritete të tilla duhet të ketë reagime, por nuk ka as revoltë. “Për ngjarje të tilla është djegur Athina, ndërsa këtu vdekjen e kanë kthyer në teatro.
Ka mbetur vetëm të futemi në arkivol për të fotografuar. Një nënë e ka qarë një fëmijë që u vdiq, dhe tjetra e ka qarë se fëmija tjetër është brenda. Në fund të ditës kemi dy fëmijë të humbur përjetësisht. Mos ia dhëntë Zoti askujt që të përballen me situata të tilla”, tha Çuçi. Ajo tha që duhet të kemi një revoltë të madhe, por situata të tilla nuk mund të zgjidhet duke ikur një ministre dhe duke ardhur një tjetre.
