Policia ka shoqëruar 4 të afërm të Agim Hoxhës, pas ngjarjes në burgin e Peqinit ku u vra me armë zjarri nga Sokol Mjacaj, Arben Lleshi.
Lleshi po vuante dënimin me burg përjetë për vrasjen e Agim Hoxhës dhe djegien e trupit të tij, të ndodhur në vitin 2012.
Për shkak të dyshimeve se Mjacaj mund ta ketë kryer vrasjen me potosit nga persona të tretë, policia e Tiranës ka ndaluar 4 anëtarë të familjes Hoxha.
Sipas gazetares Klodiana Lala, janë shoqëruar 4 persona, të moshës 20-25 vjeç dhe pasi janë marrë në pyetje, janë lënë të lirë.
Policia ka ushtruar kontrolle dhe ka marrë celularët e tyre, nëse kanë pasur kontakte apo biseda të dyshimta, që lidheshin me Sokol Mjacajn. Po ashtu po hetohen dhe persona të tjerë.
Kujtojmë se Mjacaj në dëshminë e tij është shprehur se e ka vrarë Lleshin pasi ky i fundit nuk e ka pranuar në sektor. Ai tha gjithashtu se armën e krimit e kishte siguruar më shumë se një muaj më parë.
