Ka rënë në prangat e policisë së Shkodrës vëllai i autorit të ngjarjes së mbrëmshme, ku u vra me armë zjarri 33-vjeçari Valter Fierza.
Bëhet me dije se në pranga ka rënë Paolo Mhilli 22 vjeç, vëllai i autorit Klodian Mhilli 24-vjeç, i cili është ende në kërkim.
Ngjarja ndodhi mbrëmjen e djeshme , ku pas një konflikti ka mbetur i vrarë me armë zjarri 33-vjeçari Valter Fierza. 5 persona u përfshirë në një konflikt të çastit për motive të dobëta, jashtë një lokali në fshatin Hot i Ri, me vëllanë e Valter Fierzës, shtetasin K. Fierza, 35 vjeç.
Menjëherë pas konfliktit drejt vendit të ngjarjes është afruar me automjet shtetasi Valter Fierza. Sapo ka parë automjetin, shtetasi Klodian Mhilli dyshohet se ka qëlluar disa herë me armë zjarri kallashnikov në drejtim të 33-vjeçarit, i cili për pasojë mbeti i vrarë.
Policia ka gjetur dhe sekuestruar në cilësinë e provës materiale një armë zjarri pistoletë (dyshohet në posedim të shtetasit Klodian Mhilli) dhe 3 gëzhoja që u gjetën në vendngjarje.
Vijojnë ende në kërkim shtetasit; Klodian Mhilli, 24 vjeç, Aleksandër Mhilli, 23 vjeç, dhe Luçiano Mhilli, 20 vjeç, të gjithë banues në fshatin Hot i Ri, si dhe shtetasi Enton Dushaj, 38 vjeç, banues në lagjen “Vojo Kushi”.
Njoftimi policisë:
Si rezultat i kërkimeve intensive, kontrolleve të vazhdueshme dhe veprimeve të shpejta operacionale, specialistët për Hetimin e Krimeve të Drejtorisë Vendore të Policisë Shkodër dhe ata të Forcës së Posaçme “Shqiponja”, lokalizuan, kapën dhe vunë në pranga shtetasin e shpallur në kërkim P. M., 22 vjeç, banues në fshatin Hot i Ri.
22-vjeçari dyshohet se ka qenë i përfshirë në një konflik të çastit, jashtë një lokali në fshatin Hot i Ri, ku mbeti i vrarë shtetasi V. F., 33 vjeç.
Vijojnë kërkimet për kapjen e 4 shtetasve të tjerë të shpallur në kërkim për këtë ngjarje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
