Për vrasjen e Martin Canit policia ka referuar si autor të dyshuar vetëm Mario Perlleshajn i cili ndodhet në spital pas plagëve të marra me thikë.
Ndërkohë në media që prej ditës së ngjarjes shkruhet se policia ka fshehur emrin e njërit prej autorëve të ngjarjes, shokut të Mario Perlleshajt, Kledion Bejkaj, mëgjithëse kjo gjë mohohet nga institucioni, i cili thotë se ka prova dhe video që në ngjarje nuk ka pasur autor tjetër.
Sidorela Vatnikaj, aktiviste tha përmes një studio televizive, se:
“Thirrja dëshpëruese e babit dhe frika e tij për manipulimin e ngjarjes është një nga gjërat më të rënda që kanë ndodhur gjatë kësaj ngjarje. Nëse kemi protestuar dje për të kërkuar mbajtjen e përgjegjësisë nga institucionet që duhet t’i mbronin këta fëmijë, që duhet t’i edukonin këta fëmijë, ajo që shohim në këmbim është jo vetëm një heshte totale e institucioneve, por siç është deklaruar nga babai i një prej djemve të plagosur, tentativë për të manipuluar ngjarjen që më bën të besoj se nëse do të kemi raste të tilla të përsëritura, çka është frika ime legjitime, për aq kohë që MAS nuk ka marrë masë, jo vetë që nuk do të gjejmë drejtësi por mund te jemi ne viktima e radhës ku manipulohet ngjarja dhe e drejta e këtyre fëmijëve nuk zbardhet asnjëherë.
Institucionet duhet të kishin veruar me shpejtësi për të parandaluar ngjarje të tjera dhe këtë mllef shoqëror.”
Sipas Vatnikaj, policia ka detyrim ligjor dhe moral që të dalë dhe të bëjë me dije se çfarë masash ka marrë për të siguruar dhe prindër të tjerë.
“Pse flitet për një autor të dytë kur nuk është e vërtetë policia ka detyrim ligjor dhe moral që të thotë se çfarë masash ka marrë sot për të siguruar dhe prindër të tjerë.”
