425 065 fletët e votimit të qarkut të Tiranës, pa përfshirë dy njësitë ku u votua elektronikisht, do të rinumërohen. Me kërkesën e dy anëtarëve të Komisionit të Ankesave dhe Sanksioneve, të propozuar nga opozita, është vendosur drejt kësaj vendimmarrje për ankimin e bërë nga deputeti demokrat Asllan Dogjani.
Dogjani pretendon se ka prova se fletët e pavlefshme, apo që i përkasin PD, i kanë kaluar Partisë Socialiste, dhe rinumërimi sipas tij, do të ndryshonte jo vetëm renditjen e kandidatëve brenda PD, por do i jepte mandatin e 14-të në Tiranë.
Anëtarët e tjetër të KAS votuan kundër hapjes se kutive, jo vetëm për shkak të volumit që do duhet të përballojnë punonjësit e KQZ, që do të marrë javë për t’u rinumëruar, por dhe sepse sipas tyre, nuk do të kishte ndikim te rezultati, si për kandidatët, ashtu dhe subjektet.
Në një tjetër mbledhje, KAS rrëzoi kërkesën për pavlefshmërinë e zgjedhjeve në Kukës, ndërsa iu përgjigj pozitivisht kandidatit demokrat për qarkun e Dibrës, Xhemal Gjunkshi, për hapen e 44 kutive me votat preferenciale për kandidatët e koalicionit të opozitës. Ndërkohë që ka nisur kqyrja e materialeve zgjedhore dhe numërimi i fletëve të papërdoruara për 229 kuti në 11 qarqe.
