Atlasi i ri i kompanisë Volkswagen do të ketë shumë ndryshime. Këtë e bëri të ditur Hinrich Woebcken, një nga drejtuesit e kompanisë.
Gjatë prezantimit zyrtar të Mk 7 Jetta, Woebcken ka njoftuar grupin e gazetarëve se janë duke punuar në versionin e ri, që do të lansohet së shpejti, por pa dhënë shumë detaje:
“Atlas nuk mund të mbetet kështu si është, ndërsa do të zgjerohet si familje”, ka thënë ai shkurt.
Pritet që ky model të zgjerohet në masë të madhe, ndërsa ndryshimet pritet të jenë në sistemin e funksionimit dhe rritjes së lehtësirave teknologjike.
