Policia e kryeqytetit ka vënë në pranga katër persona.
Blutë njoftojnë se ata janë arrestuar në lidhje me vepra të ndryshme penale, që nga dhuna në familje te vjedhja apo drejtimi i makinës në gjendje të dehur.
Njoftimi:
Specialistët e Seksionit për Hetimin e Krimeve në Komisariatin e Policisë Nr. 3 arrestuan shtetasin M. Sh., 36 vjeç, banues në Tiranë, pasi dyshohet se ka vjedhur një monopatinë elektrike te sheshi “Shkënderbej”. Më pas duke u larguar me monopatinë, është përplasur me mjetin tip “Range Rover”, me drejtuese shtetasen B. M. Si pasijë 36-vjeçari është dëmtuar dhe ndodhet në spital, në kujdesin e mjekëve.
Specialistët e Seksionit për Hetimin e Krimeve në Komisariatin e Policisë Nr. 6 arrestuan shtetasin I. M., 53 vjeç, banues në Mëzes, pasi dyshohet se ka ushtruar dhunë dhe ka kanosur bashkëshorten e tij.
Specialistët e Komisariatit të Policisë Rrugore Tiranë arrestuan shtetasit:
– A. B., 44 vjeç, banues në Tiranë, pasi duke drejtuar në gjendje të dehur mjetin tip “BMW”, është përplasur me biçikletën që drejtohej nga shtetasi E. S. dhe si pasojë ka vetëm dëme materiale. Gjithashtu 44-vjeçari ka refuzuar të kryejë testin e alkoolit;
– D. G., 49 vjeç, banues në Elbasan, pasi u kap duke drejtuar automjetin, në gjëndje të dehur.
Specialistët e Seksionit për Hetimin e Krimeve në Komisariatin e Policisë Nr. 3 kanë referuar materialet në Prokurori dhe po punojnë për shoqërimin e shtetasit M. D., 40 vjeç, banues në Tiranë. Mbrëmjen e djeshme, rreth orës 21:50, në rrugën “Don Bosko”, ky shtetas dyshohet se është konfliktuar dhe ka goditur me mjet prerës shtetasit D. H., 40 vjeç, dhe A. D., 34 vjeç, banues në Tiranë, të cilët si pasojë janë dëmtuar dhe ndodhen në spital, në kujdesin e mjekëve.
Materialet i kaluan Prokurorisë.
