Policia vendore ka ndërmarrë disa veprime hetimore dhe procedurale në lidhje me ngjarje të ndodhura ditët e fundit në qytet dhe rrethina. Një 43-vjeçar është ndaluar si i dyshuar për bashkëpunim në një rast vjedhjeje në një servis makinash në fshatin Bërdicë, ndërsa dy persona të tjerë janë proceduar në gjendje të lirë për shqetësim dhe kanosje ndaj qytetareve, për motive të dobëta.
Njoftimi:
Drejtoria Vendore e Policisë Shkodër
Specialistët për Hetimin e Krimeve të Komisariatit të Policisë Shkodër:
-ndaluan shtetasin A. P., 43 vjeç, banues në Shkodër, pasi nga hetimet e kryera për zbardhjen e vjedhjes së disa pjesëve këmbimi për automjete, më datë 10.06.2025, në subjektin në pronësi të shtetasit L. P., 32 vjeç, në fshatin Bërdicë, dyshohet se 43-vjeçari ka bashkëpunuar për këtë vjedhje, me shtetasin A. V., 37 vjeç, i identifikuar nga hetimet dhe i shpallur në kërkim;
-referuan materialet në Prokurori ku nisi procedimi në gjendje të lirë për shtetasin T. F., 22 vjeç, banues në Shkodër, pasi ka kallëzuar shtetasja I. B., 20 vjeçe, se 22-vjeçari e ka shqetësuar vazhdimisht nëpërmjet thirrjeve telefonike, për motive të dobëta;
-referuan materialet në Prokurori ku nisi procedimi në gjendje të lirë për shtetasin S. B., 38 vjeç, banues në Shkodër, pasi ka kanosur shtetasen A. K., 45 vjeçe, për motive të dobëta.
