Një kasafortë me rreth 30 mijë euro është vjedhur sot nga disa persona, ende të pa identifikuar nga ana e policisë. Grabitja ka ndodhur rreth orës 02:00 të mëngjesit, në një mobilieri në Vaqarr.
Nga të dhënat paraprake të policisë, bëhet me dije se grabitësit kanë lidhur rojen e mobilierisë, e mjaft lehtë kanë arritur që të marrin edhe kasafortën me shumën e parave që ndodheshin në të. Tashmë policia ka nisur nga hetimet e para, për hedhjen dritë të kësaj vjedhje.
Duket se këto raste po shtohen në masë, e ndërsa taktika e autorëve është e përsëritur. Ata i lidhin pronarët e bizneseve, apo familjarët kur ndodhen në banesë, e më pas piketojnë lekët.
