Publikohen për herë të parë imazhet nga operacioni i shpëtimit të 12 futbollistëve të vegjël, të cilët bashkë me trajnerin patën mbetur të bllokuar për 2 javë në një shpellë në Tajlandë.
Imazhet tregojnë momentin e kalimit të vogëlushëve gjatë rrugicave të ngushta të kompleksit Tham Luang ndërsa duket se ata janë të pavetëdijshëm.
Aksioni i shpëtimit, e cila përfundoi të martën, kur katër djemtë e fundit dhe trajneri i tyre 25 vjeçar dolën nga shpella, përfundoi me sukses. Ndërsa videot nga ana e autoriteteve të cilat kanë mbikëqyrur nga afër janë postuar vetëm një ditë më patë.
Pas disa ditësh spekulime, një ish-zhytës i Detit të Marinës Tailandeze zbuloi se djemtë kanë qenë në gjumë pjesërisht të ndërgjegjshëm. pasi ato ishin kaluar nga zhytja në zhytje nëpër shpellë.
Një nga zhytësit britanikë i përfshirë në aksionin e shpëtimit ka thënë se:
“Shumicës së fëmijëve iu dhanë ketaminë, qetësues të fuqishëm që përdoren për anestezi, për t’ju hequr atyre frikën. Për këtë arsye, shumica ranë në gjumë. Pjesa tjetër qëndruan thuajse të pavetëdijshëm”.
Krahas veshjes së veçantë për zhytje të pajisur edhe me maskë oksigjeni, fëmijët dhe trajneri u transportuan nën ujë përmes një gjysmëtubi gome të lidhur me litarë të fortë.
Ndërsa këto janë pamjet e para nga salla, ku 12 fëmijët dhe trajneri do të qëndrojnë të izoluar për 10 ditë, derisa t’u largohet rreziku i përhapjes së infeksioneve.
Por mediave u ka tërhequr vëmendjen njëri prej fëmijëve, ky 14-vjeçar. Adul Sam-on, refugjat nga Birmania zotëron 5 gjuhë të huaja, ndër të cilat anglisht. Ai ndërmjetësoi në komunikimin mes fëmijëve dhe zhytësve të huaj, të cilët luajtën rolin kryesor në nxjerrjen e tyre nga shpella.
Burimi: Daily Mail
Përshtati: Tirana Today
