Video/Grushte dhe thika para ndeshjes, tifozët ukrainas përplasen me rusët

Një sherr masive ka ndodhur në rrugët e Athinës në prag të ndeshjes së Europa League, ku do të përballet Dinamo i Kievit me AEK-un. Ngjarja ka ndodhur ne Kolonaki dhe personat e përfshirë kanë qenë të armatosur me thika dhe armë të tjera të ftohta. Mediat greke raportojnë se policia ka bërë të mundur arrestimin e të përfshirëve si dhe ka sekuestruar thikat e armët e tjera.

Personat kanë qenë të ulur në një kafene kur papritmas janë futur rreth 13 të tjerë në lokal dhe kanë filluar konfliktin. Punonjësit e lokalit janë shprehur se ata nuk kishin stema të ekipeve apo shalle, por flisnin rusisht.

Menjëherë pas incidentit, të gjithë ikën para se policia të arrinte në vendngjarje. Në prangat e policisë kanë rënë mbi 10 veta, ku disa prej tyre duket se janë grekë. Ndërsa pjestarët e tjerë flisnin të gjithë rusisht dhe besohet që ky sherr të ketë lindur si pasojë e konfliktit mes Rusisë dhe Ukrainës.

Ndeshja mes AEK-ut dhe Dinamos së Kievit është e vlefshme për fazën e 1/32 të “Europa League”.