Një aeroplan i Aeromexico me 101 persona në bord u rrëzua dhe mori flakë pranë një aeroporti në Meksikë veriore të martën, duke lënë 85 vetë të plagosur, dy prej tyre gjendje kritike.
Piloti po përpiqej të ndërpriste ngritjen nga Aeroporti Ndërkombëtar i Durango-s për shkak të motit të keq, por e bëri këtë shumë vonë dhe u rrëzua në një zonë të pistës, thanë zyrtarët.
Imazhet tregojnë momentin e fluturimin dhe shpërthimit në flakë të E190, por zjarrfikësit e shpejtë mundën që t’i mbanin flakët nën kontroll dhe të mbijetuarit u dërguan në spitalet lokale. Askush nga pasagjerët nuk ka ndërruar jetë.
Një pasagjere, e identifikuar si Jackeline Flores, u tha gazetarëve se ajo dhe vajza e saj u arratisën nga një vrimë në aeroplan, ndërsa avioni u mbush me tym dhe flakë.
