Vendi ynë ka nxjerrë njerëz të aftë nga fusha të ndryshme, të cilët e kanë ndërtuar karrierën e tyre në Shqipëri ose jashtë saj. Përvec aktrimit dhe muzikës, as futbolli nuk ka mbetur prapa me talente. Një emër i njohur i tij është portieri shqiptar Thoma Strakosha,i cili luan në ekipin e Lazios.
Moderatorja Jona Spahiu ka realizuar një intervistë me drejtorin sportiv të këtij ekipi, i cili është përsëri një shqiptar, Igli Tare. Ai i tregoi Jonës dicka të vecantë që futbollistët bënin përpara se të dilnin në fushën e blertë.
Igli vendoste në stadium hitin ‘Karma’ të Flori Mumajesit, përpara se ekipi i Lazios të fillonte ndeshjen dhe në këtë mënyrë ai u jepte lojtarëve italianë energji për të luajtur, teksa dëgjonin këngën shqip. Dicka e pazakontë për një ekip të huaj, i cili para cdo ndeshjeje dëgjon këngët tona.
