Ylli i MMA-së Johnathan Ivey përdori një truk sikur pësoi atak në zemër gjatë përballjes me Travis Fulton, të cilën më pas e shembi në tokë. 42-vjeçari pasi kishte marrë një goditje të fortë në brinjë nga Fulton, vendosi dorën në anën e djathtë sikur u lëndua dhe pastaj shpërtheu në grushte ndaj kundërshtarit.
Dhe pas disa goditjeve të një pas njëshme, e djathta shkarkohet në fytyrë dhe Fulton bie në tokë. Më pas e zë poshtë dhe vazhdon ta sulmojë pa fund, derisa vendos që të tërhiqet dhe nuk e godet më atë që e cilëson si heroin e tij.
Një admirim i madh nga Ivey për Fulton, i cili ka një tatuazh të kundërshtarit të tij në këmbë, e për këtë arsye vendosi të tërhiqet.
Duke folur pas ndeshjes Ivey u shpreh: “Turma filloi të brohorasë, oooh! Prandaj veprova sikur më lëndoi. Unë kam parë njerëz të thonë se unë isha duke u shtirur për një atak në zemër, ose nuk po respektoja atë duke bërë këtë gjest, por kjo nuk e vërtetë.
Më pëlqen të argëtohem atje, kam bërë gjëra të tilla në 50 ose 60 luftimet e mia. Më pëlqen të luaj për turmën.”
Ai shtoi: “Pas të majtës së dytë, sytë e tij humbën. Unë u ktheva nga gjyqtari dhe i thashë: A është ai OK? Gjyqtari më tha, ‘Jo, ai nuk është.
“Nëse ky do të ishte një djalë tjetër, unë do të kisha vazhduar ta godisja. Por ai ishte Travis Fulton, “Ironman “. prandaj unë e godita disa herë dhe më pas vendosa të tërhiqem. Gjyqtari më pyeti se çfarë po bëja, por unë mora atë vendim pasi ai ishte i pambrojtur dhe nuk doja ta mposhtja në atë mënyrë.
Unë jam në rregull me vendimin tim. Natyrisht se gjithnjë dëshiroj të fitoj, por fitorja nuk vlen nëse vepron kështu ndaj idhullit tënd, prandaj nuk do më shijonte aspak”.
Burimi: The Sun
Përshtati: TIRANA TODAY
