Një restorant serb shërben ushqim tradicionale vetëm nga vendet që nuk e njohin pavarësinë e Kosovës. “Korcagin” është një restorant familjar në Beogradin, kryeqytetin e Serbisë. Pika unike që ai tërheq klientë është menuja e cila ka shumëllojshmëri ushqimesh ndërkombëtare, që shërben gatime nga tradita e kuzhinës, spanjolle, irakene dhe indiane etj, shkruan Tirana Today.
Korçagin ka vetëm një rregull kur është fjala për zgjedhjen ushqimeve, ku të gjitha shijet e ushqimeve që servir vijë nga tradita e vendeve që nuk e njohin pavarësinë e Kosovës.
Pas shpërbërjes së Jugosllavisë komuniste në 1992, Kosova mbeti pjesë e Serbisë edhe pse 90 përqind e popullsisë së Kosovës është etnikisht shqiptare. Pas shpalljes së pavarësisë nga Serbia në vitin 2008, 110 vende, përfshirë Mbretërinë e Bashkuar dhe Shtetet e Bashkuara, që e njohin zyrtarisht Republikën e Kosovës, përshtati Tirana Today. 
Megjithatë, Serbia vazhdon të këmbëngulë se rajoni është pjesë e vendit të saj. Deri më tani, disa përpjekje për të negociuar një zgjidhje të qëndrueshme kanë dështuar, ndonëse një marrëveshje në vitin 2013 ndihmoi në normalizimin e marrëdhënieve mes Serbisë dhe Kosovës.
Për të zbuluar se pse dikush do t’i drejtohet një restoranti i cili është i ndërtuar mbi një ideologji, unë vendos të ndalem tek Korcagin për të folur me pronarin e tij. Muret e restorantit janë të mbuluara me memorandume komuniste – imazhe dhe slogane nga liderët e njohur komunistë dhe socialistë, dhe fotografi të Titos, Stalinit, Leninit dhe Che Guevarës, raporton vice.com. 
Është ora e drekës dhe vendi është i mbushur me të rinj dhe të moshuar. Në qoshe, dy punëtorë me uniforma të ndritshme portokalli po hanë drekë, dhe sipër kokave të tyre në mur është e varur një hartë e ish-Jugosllavisë. Ushqimet përgatiten nga kuzhinierë serbë.
Pronari shpreson që njerëzit të largohen nga restoranti i tij duke dashur të mësojnë më shumë për vendet që kundërshtojnë pavarësinë e Kosovës.
Pronari është Vojin Kuçiç dhe ai e ka trashëguar “Korcaginin” nga babai i tij. Vojini dëshiron që të japë një intervistë, por koha e tij ishte shumë e kufizuar pasi, ai menaxhonte dhe disa restorante të tjerë, shkruan Tirana Today.
Ai këmbëngul dhe më bën disa pyetje që të njiheshim më mirë me njëri-tjetrin, para se të më lejonte që ta intervistoja. Pasi u bind që nuk jam “ekstremist pro-shqiptar”, ai pranon të flasë për “Korcagin” dhe mesazhin që përpiqet.
VICE: A mendoni se shumë njerëz në Serbi e mbështesin temën e restorantit tuaj?
Vojin Kukoviç: Nuk mund të imagjinoj që dikush që jeton në Serbi sot mund të ketë diçka kundër vendit tonë. Përveç disa OJQ-ve, të gjithë janë me të vërtetë mbështetës – ne jemi gjithmonë të pandashëm.
VICE: Pra, nuk shihni ndonjë gjë të gabuar me mesazhin e Korçaginit?
Vojin Kukoviç: Jo, jo nga këndvështrimi ynë. Ndoshta një shqiptar mund të ketë një problem me të. Kjo është vetëm mënyra jonë për t’i bërë serbët të vetëdijshëm për aleatët tanë. Shpresojmë se njerëzit do të largohen nga restoranti dhe do të mësojnë më shumë për vendet dhe kulturat që shfaqen në menunë tonë. Pra shumë vende nuk e njohin pavarësinë e Kosovës dhe njerëzit duhet të dinë për to.
VICE: Si e vendosni atë që shkon në menunë tuaj?
Vojin Kukoviç: Klientët gjithmonë rekomandojnë për ushqimet që ne duhet të rervirim. Ne përpiqemi të jemi sa më bashkëkohorë me qa sa mundemi.
VICE: A do të mirëpritej një shqiptar këtu?
Vojin Kukoviç: Sigurisht, për aq kohë sa ata nuk janë ekstremistë. Gjithkush është i mirëseardhur këtu.
VICE: Në bisedën tonë më parë, ju përmendët se keni pasur një “problem me homoseksualët”. Pra, kur thoni se të gjithë janë të mirëpritur, a i përfshini homoseksualët?
Vojin Kukoviç: Unë nuk e mbështes homoseksualitetin dhe kurrë nuk do t’i pranoj. Por ajo që njerëzit bëjnë jashtë këtij restoranti është tërësisht e drejta e tyre. Gjithkush ka të drejtë për mendimin e vet, por nuk mendoj se ne do të pajtohemi për këtë.
VICE: A mendoni se është një lëvizje e zgjuar për të përzier ideologjinë dhe ushqimin?
Vojin Kukoviç: Deri tani, nuk kemi pasur asnjë reagim negativ. Ne nuk mbështesim asnjë parti politike, por ajo që ne e mbështesim është diçka që shumica e njerëzve në Serbi tashmë besojnë. TIRANA TODAY
